قصيدة زجلية مغربية بقلم
الاعلامي والشاعر والزجال : نجيم عبد الإله
في عيدك يا بنت بلادي
باقة ورد وألف هنية
خلي قلبك على بلادك كلو حنية
وعلى تعليم وتربية أولادك
انقدم ليك هدية
ما تنسايش تاريخ أختك المغربية
راها شاركت في النضال والوطنية
منها الطبيبة والأستاذة والمحامية
أول من ساقت الطائرة والقطار
وخدمات حتى في الميكانيكية
عندها إبداع في الأدب والفن
وحتى في المحكمة راها وكيلة وقاضية ..
وفي الرياضة رائدة وفايزة
راه اختك نوال المتوكل حازة الأولمبية ..
أما المرأة القروية
مع زوجها في الفلاحة عاملة هميه
تحلب وتزرع وتطبخ
وتورد حتى الماشية
يا بنت بلادي راكي نبت أصلية
من مغرب الأصالة والجدود
صيتك وتاريخك تعدى الحدود
بعلمك وقرايتك وفيتي بالعهود
إلا كنت في بلاد الغربة
وإياكي تنسي أصلك المغربي
وعلى صلاتك وصومك ودينك اجتهادي
ما تغرك المظاهر واللبس الغربي
والمكياج في الشارع مانعو ربي ….
خليك بعلمك وشغلك وتربية أولادك
باش يكون الاله عليك راضي
اشحال من مرة في بلاد الغرب
ضربها الشعا
وسمحت في الراجل والاولاد
وآنسات الأصالة والدين يا لعباد
لكن ما زال الخير في الله
وعيالات لبلاد ….
عيالات الطجين ولكسكسو
ولمسمن في رمضان
عيالات الدفينة والقفطان
والأصالة مع كل الزمان